احساس صعب أوى لما تكون مجبر تكتم كلمة جواك
عايز تقولها ومش قادر أو مش عارف. قوة أكبر منك بتجبرك على الصمت وإلا .....
تجربة اعتبار جملة "استغفر الله
العظيم" سبام ومنع كتابتها على الفيس هى تجربة تلخص احساس ناس كتير مكتومة
ومش عارفة ولا قادرة تطلع اللى جواها , إحساس بالضعف والحزن لحجب شئ من حقى أقوله,
دى حرية شخصية, مش بأذى حد ومش بوجه كلام لحد , ده كلامى للى خلقنى , ليه بتدخلوا
............
الاستغفار مش لازم ع الفيس .... صح
الاستغفار مش لازم علنى ......صح
الاستغفار مش لازم جهرا .....صح
الاستغفار حتى سرا مقبول
بس المشكلة فى حجب حقى
المشكلة فى حجر عليا
المشكلة فى سلب ارادتى
المشكلة ان يبقى ما فيش مشكلة فى ايه المشكلة
لو ما تقوليش الجملة دى ؟ ايه المشكلة بقى؟
ليه بتكتمونى
حتى المتنفس الموجود بتقفلوه
موضوع بسيط مش مستاهل لكن بيجيب من الاخر
ويلخص حكاية بلد , حكاية هوية , حكاية حرية
حكاية عايشينها يوماتى حتى بتدخل فى صلاتى
حكاية من دنيتنا الفانية , القوى بيقدر على
الغلبان واللى فى ايده السلطة يبقى الكسبان والغلبان يفضل غلبان
من حقى ياهووو اقول جاااى ... ورفض وضع مفروض
عليا
بقالنا سنين فى نفس الحال ... ممنوع تتكلم
ولو اتكلمت تتصنف ولو اتصنفت تتبهدل ولو اتبهدلت تتسيط كعبرة وعظة وقد أعذر من
أنذر
مين قالك تتكلم وتحرك لسانك من مكانه .... مش
من حقى ؟!!!
لا من حقى ... بجد كفاية
تعبت .. سنين ساكتة ومش لاقية إجابة على كل
اللى بيحصل حوليا
بجد كفاية ... مش معقول افضل ساكتة ولما
اتكلم أتخون أو ابقى بيادة
مش معقول أصبر .. أتحمل على أمل انى فى يوم
جاى أحلى من غير ما اعمل حاجة
يوميا بصحى مظلومة على اتهامات من هنا وهناك
مقصودة أو مش مقصودة .. هى اصلا استعباد
مين قالك ان انت ملاك؟! ... مين قالك الجنة
معاك؟!
مين قالك كارت بلانش؟!... مين قالك حقك
تبطش؟!
أنا عن نفسى ما قلتش حاجة .. غير كلمة حق
حابساها
ومش عايزة استعباد وإتاوة ... ومش عايزة
سلاطين وخواجة
ومش
عايزة أتلجم تانى ... ومش عايزة أسكت من تانى
ليه فاكر انك أذكى .. كان غيرك أشطر بزمان
... وبالاستقرار حلمان
كلمة جميلة وفضفاضة .. ومسكن لضمير الناس
بس فين الاحساس .. شوية شوية الدم يموت ..
واللى بيحصل ايه؟... خففه بميه يابيه
وأنا مذهولة بجد خسارة .. مين قال ان ده عدل
ياناس
عايزة أتكلم وأقول ان ده ظلم خسيس
من
امتى الدم رخيص ... ويقولوا عليه تدليس
و صعبت عليا شوية ولقيتنى حاجة منسية
ده أنا معظم قوة بلدى ... وأساس نهضتها أكيد
شباب مستنى الفرصة ... وبينحت فى الصخر بحرقة
يتكلم فى الفاضى ويسكت عشان المليان متعمر
ليه
مستحمل تراكمات بزيادة .. عمره ما اتسبب يوم
فيها
مستنى الجيل الفائت يديله الراية بكيفه
ده عشم بزيادة شوية .. ولا ايمان بالحق متين
مستحمل لحياته الجاية وأمله فى ربه كبير
حتى دى بيشككوا فيها وبيقولوا على مين ستارة
تتداروا وراها وبلويكوا ... وان جيتوا للحق
ده موجود
بيهد فى اللى ببنيه ... ويخرب فى اللى عملته
من الآخر أنا الخسرانة ... برده فى لعبة ما
بلعبهاش
ما فى اودامى غير شكوتى .. أقولها لربى وربى
كريم
أجى ادعى تمنعونى وتقولولى ما تدعى فى سرك
مع انى مسالمة وفى حالى .. ده انا هادعى
وبأعلى الصوت
يا إلهى إهديهم وإهدينا
No comments:
Post a Comment