خواطر 2

خواطر 2

أ

س : شايف الراجل ده صديق صدوق حقيقى . تخيل انه اخد خبطة فى كتفه بسببى عشان كان بيبعدنى عن عربيتك لما كانت هتخبطنى . بالمناسبة العربية فين انت مش كنت عارضها للبيع انا عايز اشتريها ؟

ص: اه ما هو الراجل صديقك ده اتفق معايا عشان يشتريها وبيقول انك مش معاك تمنها

س: ايه؟!!! ده حرامى على فكرة . وعمره ما عملى حاجة كويسة .. ده فاشل على فكرة ولو اخد عربيتك هايكسرهالك حتة حتة لانه مهمل وايه كمان مش أمين خالص يعنى هايتفق معاك على سعر ويديلك سعر تانى خالص . اه زى مبؤلك كده؟

................

الانبهار فى اسمى معانيه .. اللى خلى شخص ما يبقى بطل لما تكون راضى عنه ويخليه هو نفسه حرامى وبلطجى لما تكون متضايق منه.

- اذا كنت من هذا النوع أبشر فأنت .................................................... كمل انت بقى 

- ازاى مش قادر تحافظ على توازنك وأخلاقك بالاعتراف بالفضل لاصحابه مهما كان زعلك منهم أو غضبك منهم .. ازاى فى لحظة تمحى حاجة كويسة عملها حد عشان مش عاجبك النهاردة

‫#‏الاعتراف_بالحق_فضيلة

ب

تجربتى .... جربوها >>>>>>>> >>>> ببساطة جبت باكت ينسون وحطيته فى كوب وعليه ماء مغلى فارتفعت حبات الينسون لاعلى الكوب وبعد شوية بدأت تنزل حبة حبة للقاع ولكن من الملاحظ ان بعض الحبات بتنزل لمسافة معينة وتطلع تانى وحبات تانية بتنزل بسرعة وحبات اخرى بتنزل ببطء بينما استقر على القمة القليل جدا من حبات الينسون .... وكأنها تسير على نظام الحياة ... حبة فوق وحبة تحت . يوم فى القمة ويوم فى القاع ويوم بين الاتنين وما بين الارتفاع والهبوط شوية صمود وفى النهاية لن يستقر بالقاع الا من استسلم ولن يستمر بالقمة الا من قاوم ....... 

ت

فيه ناس مركزة تعيش حياتها ازاى تبقى سعيدة وناس تانية مركزة فى ازاى تسعد غيرها 

بس ياسلام بقى لو الاتنين يجتمعوا سوا يعنى ازاى نعيش حياتنا سعداء

ونسعد غيرنا كمان 

وده قمة الاعجاز الانسانى

س

النهاردة تأخرت فى طريق العودة للمنزل حتى موعد أذان المغرب وعلى الطريق وجدت احدى السمات التى يتمتع بها المسلم فى رمضان وهى على الجانب الاخر من الطريق كان فيه بعض الشباب يوزعون تمر وعرقسوس فابتسمت وامضيت طريقى واذا بى بعد خطوات بقاطع طريق يوقف السيارة ليعطى كل شخص كوب به شئ ما ليشربه بعد ما يأذن المغرب وأخذت الكوب وكان من نصيبى قمر الدين ودعوت له جزاك الله خيرا وأمضيت طريقى حتى أذان المغرب وأفطرت على هذا الكوب من القمر الدين وكان لذيذا على فكرة ويجعلها دائما عادة للمصريين لا تنقطع ورمضان كريم

ج

ما شاء الله .. اللى نفسه فى ورد واللى نفسه فى فانوس واللى نفسه فى دبدوب واللى نفسه فى ياميش ... طيب اشتروا اللى عايزينه لنفسكم ما تستنوش حد يجيبلكم 

أحلى حاجة ان الواحد يجيب لنفسه اللى عايزه وينبسط

اتبسطوا وافرحوا بسبب ولو ما فيش إوجدوا سبب

د

لما تكلم حد فى التليفون وتلاقى فرحته بمكالمتك وسعادة كإنه لقى مليون جنيه مش بس بتحسسك انك اد ايه مهم عنده بس كمان بتحسسك اد ايه انت مقصر فى حقه

ح

احذر توقعاتك الشخصية إزاء تصرفات الاخرين تجاهك ولا تبالغ فى التوقعات فليس بالضرورة 

ان يتصرف الاخر مثلما توقعت

ع

إذا أردت شيئا بقوة فتمسك به .. فبقدر تمسكك به بقدر ما تستطيع تحقيقه 

وهذا جزء من الطموح

غ

ما تشغلش بالك بالاجابة على سؤال مين مهم عندك وانت مهم لمين ؟....... لان ببساطة المواقف والايام كفيلة بالاجابة

ذ

لما تكون تعبان او متضابق مش هاتلاقى حد يحس بيك غير الشخص اللى بيعزك بجد لشخصك مش لمصلحة

و

اعمل الخير وارميه البحر .. ربما يرجعلك مع سمكة 

ز

الثورة تبدأ بداخلك ... صحح أخطاءك وأعد التفكير فى خططك

Top of Form

 بقلم

أمل حسن